mga kwentong inuman

Ang Kauna-unahang Taong Sinapak Ko!

Nung grade 1 ako ay may kaaway ako sa klasrum na sipsip at may Crab Mentality. Ako kasi iyong top 1 at favorite ako ng teacher kahit hindi ako sumisipsip. Kaso, isang araw na-late ako at iyong kaaway ko na itago na lang natin sa pangalang Edgar P. Torres.. Pakyu ka! Pangalan mo pa lang drayber na drayber na...

Anyways, Going back… nautusan ng teacher na habang wala siya ay magsulat ng NOISY BOYS si Edgar (Muka kang paa! Sorry last na.). Syempre dahil magkaaway kami, tiniyak kong hindi ako mag-iingay kundi ay isusulat niya ako sa NOISY BOYS.

Nang biglang may humiram sa akin ng mongol number 1.. Anak ng p*ta, pagtingin ko sa blackboard nakasulat na ako sa NOISY BOYS. Nagreklamo ako sa kanya pero nilagyan niya ako ng dalawang guhit sa tabi ng pangalan ko. WAW. Second offense daw.

Pagtayo ko para magreklamo sinulat naman ako sa STANDING.

Wala na akong magawa kundi tumahimik na lang at umasa na buburahin niya ang mga naisulat niya sa blackboard tungkol sa akin. Tumigil na lang ako sa pagkulay ng aking Lion King coloring book at tumunganga na lang at tumitig sa sariling mesa.

Pagkatapos ng ilang minuto tiningnan ko ulit ang blackboard para makita kung binura na niya ako sa listahan ng NOISY BOYS at STANDING.

Aba naman. Ginawan niya ako ng bagong category.

SLEEPING

BOYET DOMINADOR

----------
At simula noon ay namemorize ko na ang kwarto ng principal. BAW.

trip ni boyet nitong 11:42 PM